MS Dhoni Birthday: फक्त धोनीच करू शकतो; ‘हे’ ५ विक्रम मोडणे अवघड नाही तर अशक्यच!

नवी दिल्ली: भारताचा माजी कर्णधार महेंद्र सिंह धोनी आज त्याचा ४१वा वाढदिवस (MS Dhoni Birthday) साजरा करत आहे. भारतीय क्रिकेटमध्ये धोनीने अशी कामगिरी केली आहे जी अनेक शतक लक्षात ठेवली जाईल. धोनी भारताचे १६ वर्ष प्रतिनिधित्व केले आणि या काळात असे यश मिळवले जे मिळवण्याची प्रत्येक क्रिकेटपटूची इच्छा असते. धोनीने एक खेळाडू आणि कर्णधार म्हणून अशी छाप पाडली ज्याचे उदाहरण आज देखील दिले जाते.

धोनी हा भारताचा सर्वात यशस्वी कर्णधार असून त्याच्या नेतृत्वाखाली भारताने आयसीसीचे सर्व मोठे विजेतेपद मिळवली आहेत. या शिवाय धोनीने आयपीएलमध्ये चेन्नई सुपर किंग्जला चार वेळा विजेतेपद मिळून दिले आहे. धोनीच्या वाढदिवसानिमित्त जाणून घेऊयात त्याचे असे पाच विक्रम जे कधीच मोडले जाणार नाहीत.

वाचा- क्रिकेटपटूवर झाला अन्याय; पत्नीने बोर्डाविरुद्ध शड्डू ठोकला

२०० वनडे सामन्यात कर्णधार

सर्वधिक क्रिकेट सामन्यात नेतृत्व करण्याचा विक्रम धोनीच्या नावावर आहे. धोनीने २०० वनडे सामन्यात कर्णधारपद संभाळले आहे. यातील ११० सामन्यात विजय फक्त ७४ मध्ये पराभव झालाय. भारतीय संघाची त्याच्या नेतृत्वाखालील विजयाची टक्केवारी ५९.५२ इतकी आहे. वनडेत कर्णधारपदाच्या या विक्रमाच्या जवळपास देखील कोणी नाही.

स्टपिंगमध्ये धोनीच्या पुढे कोणीच नाही

सर्वाधिक स्टपिंगच्याबाबत धोनीच्या पुढे कोणी नाही. वनडे क्रिकेटमध्ये धोनीने ३५० सामन्यात १२३ स्टपिंग केले आहेत. अन्य कोणत्याही खेळाडूने वनडेमध्ये अशी कामगिरी केली नाही. स्टपिंग वगळता त्याने वनडेत ३२१ कॅच देखील घेतले आहेत.

वाचा- पराभवानंतर देखील होतंय कर्णधार बुमराहचे कौतुक; मॅच झाल्यानंतर पाहा काय केले

फलंदाजीत धमाका

विकेटकीपर फलंदाज असलेल्या धोनीने बॅटने देखील कमाल केली आहे. वनडे क्रिकेटमध्ये विकेटकीपर फलंदाज म्हणून एका डावात सर्वाधिक धावा करण्याचा विक्रम धोनीच्या नावावर आहे. त्याने २००५ साली श्रीलंकेविरुद्ध १८३ धावा केल्या होत्या. या खेळीत त्याने १५ चौकार आणि १० षटकार मारले होते.

सर्वात वेगाने अव्वल स्थानी

आयसीसी वनडे क्रमवारीत सर्वात कमी डावात पहिल्या स्थानावर पोहोचण्याचा विक्रम धोनीच्या नावावर आहे. धोनीने पदार्पणानंतर फक्त ४२ डावात वनडे क्रिकेटमध्ये अव्वल स्थान मिळवले होते.

वाचा- IND vs WI: निवड समितीने दिला धक्का; वेस्ट इंडिज दौऱ्यासाठी भारतीय संघाची…

आयसीसीचे सर्व विजेतेपद

आयसीसीच्या सर्व स्पर्धाचे विजेतेपद मिळवणारा धोनी हा भारताचा एकमेव कर्णधार आहे. धोनीने सर्वात आधी २००७ मध्ये टी-२० वर्ल्डकप, २०११ साली वनडे वर्ल्डकप, आणि २०१३मध्ये चॅम्पियन्स ट्रॉफीचे विजेतेपद मिळवले आहे. त्याचे हे विक्रम मोडणे जवळ जवळ अशक्य आहे.