गिलच्या जागी फलंदाजीला येणारा मयंक अग्रवालही दुखापतग्रस्त झाला आहे. ट्रेंट ब्रिज येथे सरावादरम्यान मयंक दुखापतग्रस्त झाला. त्यामुळे त्याला पहिल्या कसोटी सामन्यातून वगळण्यात आल्याचे बीसीसीआयचे सचिव जय शाह यांनी सांगितले. नेट सरावादरम्यान मयांकच्या डोक्याला मार लागल्याने तो जखमी झाला, या वृत्ताला सर्वात आधी उपकर्णधार अजिंक्य रहाणेने दुजोरा दिला होता. मोहम्मद सिराजने टाकलेला एक उसळता चेंडू हेल्मेटवर आदळल्याने मयांक जखमी झाला. सध्या वैद्यकीय तज्ज्ञांनी त्याला विश्रांती घेण्याचा सल्ला दिला आहे. न्यूझीलंडविरुद्ध खेळल्या गेलेल्या वर्ल्ड टेस्ट चॅम्पियनशिपच्या अंतिम सामन्यासाठी आणि इंग्लंडविरुद्धच्या मालिकेसाठी निवडल्या गेलेल्या अंतिम संघातील एकूण चार खेळाडू आतापर्यंत जखमी झाले आहेत.
दरम्यान, भारतीय कसोटी संघाचा सलामीवीर फलंदाज शुभमन गिल, फिरकी अष्टपैलू खेळाडू वॉशिंग्टन सुंदर आणि वेगवान गोलंदाज आवेश खान यांना दुखापतीमुळे याआधीच इंग्लंडविरुद्धच्या मालिकेतून वगळण्यात आले आहे. या तीन खेळाडूंच्या जागी बीसीसीआयने पृथ्वी शॉ आणि सूर्यकुमार यादव यांना पाठवण्याची घोषणा केली होती.
मर्यादीत षटकांच्या मालिकेसाठी श्रीलंका दौऱ्यावर गेलेल्या भारतीय संघाचे शॉ आणि सूर्यकुमार सदस्य होते. अष्टपैलू खेळाडू कृणाल पांड्याला कोरोनाची लागण झाल्याने इतर 8 खेळाडूंना आयसोलेशनमध्ये ठेवण्यात आले होते. त्यात शॉ आणि सूर्यकुमार यांचाही समावेश होता. इंग्लंडला रवाना होण्यापूर्वी शॉ आणि सूर्यकुमार यांची तीन कोविड चाचण्यांमध्ये नकारात्मक चाचणी आल्यानंतरच त्यांना इंग्लंडला जाता येणार आहे. पण नॉटिंगहम कसोटीपूर्वी त्या दोघांचे पोहोचणे अशक्य आहे.
त्यामुळे रोहित शर्मासह सलामीला कोण उतरणार याची चर्चा सुरू झाली आहे. के. एल. राहुल आणि हनुमा विहारी या दोघांच्या नावाची सलामीवीर म्हणून चर्चा होत आहे. त्यामुळे आता रोहितबरोबर सलामीला कोण येणार, याची उत्सुकता सर्वांना असेल.
अस्वीकरण: ही कथा किंवा बातमी संगणक प्रोग्रामद्वारे स्वयं-एकत्रित केली जाते आणि आमच्या वेबसाइट/पोर्टलद्वारे तयार किंवा संपादित केलेली नाही. [Source Link.]
#IND #ENG #भरतय #सघल #मठ #धकक #महतवच #सलमवरह #इगलडमधल #समनयल #मकणर
