Bigg Boss OTT- पहिल्याच टास्कमध्ये प्रतीक आणि जीशानमध्ये जोरदार भांडण, ‘बिग बॉस’ ची मध्यस्ती

मुंबई– नुकत्याच सुरू झालेल्या ‘बिग बॉस ओटीटी’ ने पुन्हा एकदा प्रेक्षकांचं लक्ष वेधून घेतलं आहे. एकीकडे घरातील सदस्यांचं एकमेकांसोबतचं नातं आणखी घट्ट होताना दिसतंय तर दुसरीकडे काही सदस्य आपसात वाद घालताना दिसत आहेत. कार्यक्रमाच्या पाहिल्याचं दिवशी दिव्या अग्रवाल आणि प्रतीक सहजपाल यांमध्ये कडाक्याचं भांडण पाहायला मिळालं होतं. त्यानंतर अक्षरा सिंह आणि मूस जट्टाना या दोघीही एकमेकांसोबत वाद घालताना दिसल्या होत्या. आता बिग बॉसकडून देण्यात आलेल्या पहिल्या टास्कमध्ये प्रतीक आणि जीशान खान एकमेकांसोबत वाद घालताना दिसले.

‘गुम है किसी के प्यार मे’ मध्ये रेखा यांची एण्ट्री? वाढली प्रेक्षकांची उत्सुकता

बिग बॉस कडून देण्यात आला होता टास्क

प्रतीक त्याच्या वागण्यामुळे सगळ्यांचं लक्ष वेधून घेताना दिसतोय. घरात आल्यापासून प्रतिकने इतर सदस्यांसोबत वाद घालायला सुरुवात केली होती. आता जीशान प्रतीकच्या निशाण्यावर आला. घरात मुलं आणि मुली मिळून १३ सदस्य आहेत. मुलींना घरात एण्ट्री तर मिळाली परंतु, त्यांचं सामान बिग बॉसने जप्त केलं आहे. ते सामान मुलींना परत मिळवून देण्यासाठी त्यांच्या पुरुष साथीदाराने त्यांना मदत करायची आहे. प्रत्येक पुरुष सदस्याला महिला सदस्याला सामान मिळवून देण्यासाठी बिग बॉसने दिलेला टास्क पूर्ण करावा लागणार होता आणि याच टास्क दरम्यान जीशान आणि प्रतीक एकमेकांना मारायला देखील तयार झाले होते.

एकमेकांवर केले आरोप

घरात झालेल्या वादानंतर बिग बॉसने जीशान आणि प्रतीक यांकडे विचारणा केली असता दोघांनीही एकमेकांवर आरोप केले. जिशानने बिग बॉसला सांगितल्याप्रमाणे, प्रतीक वारंवार त्याला मारामारी करण्यासाठी उद्युक्त करत होता. सतत जीशानच्या अंगाला हात लावत होता. त्याला राग येईल असं वागत होता. त्यामुळेच त्यांचं भांडण झालं. यानंतर जीशानने त्याचा माइक काढून बिग बॉसकडे मदत मागितली.

प्रतीकच्या वागण्याबद्दल तक्रार करत जीशानने बिग बॉसला कारवाई करण्याची मागणी केली. बिग बॉसने वारंवार आदेश दिल्यानंतर जीशानने त्याचा माइक पुन्हा घातला. तर दुसरीकडे शमिता, दिव्या आणि रिद्धिमा प्रतीकच्या वागण्याबद्दल आपापसात बोलताना दाखवल्या गेल्या. प्रतीक जाणूनबुजून असं वागत असल्याचं त्यांचं म्हणणं आहे.

राज तुरुंगात, शिल्पा त्रासलेली; कुटुंबाला सोडून का गेली शमिता