Bigg Boss OTT- ठरलं! हे आहेत बिग बॉस ओटीटीचे फायनल स्पर्धक, इथे पाहा संपूर्ण यादी

मुंबई : छोट्या पडद्यावरील विविध मालिका प्रेक्षकांचे मनोरंजन करतात तसेच रिअॅलिटी कार्यक्रमही प्रेक्षकांचे तितकेच मनोरंजन करतात. मग तो डान्सिंग शो असो वा गाण्याचा कार्यक्रम, त्यांना प्रेक्षकांकडून भरभरून प्रतिसाद मिळतो. आता या सगळ्यामध्ये छोट्या पडद्यावरील सर्वात वादग्रस्त कार्यक्रमाचा समावेश होत आहे. बिग बॉसने अनेक वर्षे प्रेक्षकांचे मनोरंजन केले आहे. आता ओटीटीवर येणाऱ्या या शोचं सूत्रसंचालन करण जोहर करत आहे. ओटीटीवरून प्रसारित होणाऱ्या या कार्यक्रमाची घोषणा झाल्यानंतर त्यात कोणकोण कलाकार सहभागी होणार आहेत, याची उत्सुकता प्रेक्षकांना लागली आहे.

हे कलाकार होणार सहभागी

बिग बॉस ओटीटीमध्ये १२ स्पर्धक १२ आठवड्यांसाठी सहभागी होणार आहेत. त्यांच्यात स्पर्धा होणार असून जो विजेता ठरेल त्याला ट्रॉफी मिळणार आहे. त्याचसोबत यामध्ये जे स्पर्धक टॉपला असतील त्यांना सलमान खान सूत्रसंचालन करत असलेल्या बिग बॉस १५ या कार्यक्रमात सहभागी होण्याची संधी मिळणार आहे. तर बिग बॉस ओटीटीमध्ये कोणकोण कलाकार सहभागी होणार आहेत ते जाणून घेऊ या.

बिग बॉस ओटीटीमध्ये नेहा भसीन ही एक स्पर्धक आहे. आता निर्मात्यांनी या कार्यक्रमाचे आणखी दोन टिझर प्रदर्शित करून आणखी दोन कलाकारांची नावे जाहीर केली आहेत. त्यामध्ये पहिला टिझर मध्ये एक हँडसम हंक दिसत आहे. त्याने बॉडी आणि मसल्स दिसत आहे. हा दुसरा तिसरा कुणी नसून करण नाथ आहे. करणने पागलपन आणि ये दिल आशिकाना मध्ये प्रमुख भूमिका साकारली होती. आता तो बिग बॉस ओटीटीमध्ये सहभागी होणार आहे.

बिग बॉस ओटीटीमध्ये सहभागी होणारा दुसरा कलाकार आहे, अभिनेता जीनाश खान. जीनाशने ‘कुमकुम भाग्य’ मालिकेत काम केले होते. अलिकडेच जीनशने विमानात बाथरोब घालून एक फोटो सोशल मीडियावर शेअर केले होते. त्यामुळे एकच खळबळ उडाली होती. त्याच्या या कपड्यांमुळे विमान कंपनीने त्याला आक्षेप घेतला होता. त्याने हे सगळे प्रकरण सोशल मीडियावर त्याने शेअर केले होते.

करण जोहर सूत्रसंचालन करत असलेल्या या कार्यक्रमात दिव्या अग्रवाल ही देखील सहभागी होणार आहे. दिव्या एस ऑफ स्पेस १ ची विजेती होती. याशिवाय या कार्यक्रमात रिद्धिमा पंडित, राकेश बापट देखील या कार्यक्रमात सहभागी होणार आहेत. या दोघांनी ‘बहू हमारी रजनीकांत’ या मालिकेत प्रमुख भूमिका साकारली होती.

एमटीव्ही स्टार प्रतीक सहजपाल आणि पंच बीट २ अभिनेता उर्फी जावेद देखील या कार्यक्रमात सहभागी होणार आहेत. मानास्वी वशिष्ठ देखील या कार्यक्रमात सहभागी होणार होती परंतु अखेरच्या क्षणी तिला सहभागी होण्यापासून थांबवण्यात आले. कोरिओग्राफर निशांत भट्ट तिच्या जागी सहभागी होणार आहे. त्याचप्रमाणे भोजपुरी अभिनेत्री अक्षरा सिंह, गायक मिलिंद गाबा हे बिग बॉस ओटीटीमध्ये सहभागी होणार आहेत.