हिंसाचारग्रस्त अफगाणिस्तानचे भारताला साकडं; केली ‘ही’ मागणी!

काबूल: अफगाणिस्तानमध्ये तालिबानी दहशतवाद्यांचे हल्ले वाढत आहेत. तालिबानने अफगाणिस्तानमधील बहुतांशी भागावर नियंत्रण मिळवल्याचा दावा केला आहे. काही शहरांमध्ये अफगाण सैन्य आणि तालिबानमध्ये जोरदार संघर्ष सुरू आहे. अशा परिस्थितीत अफगाणिस्तानचे परराष्ट्र मंत्री मोहम्मद हनीफ अतमार यांनी मंगळवारी भारताचे परराष्ट्र मंत्री एस. जयशंकर यांच्याशी चर्चा केली. या दरम्यान त्यांनी भारताकडून सहकार्य आणि मदतीची अपेक्षा व्यक्त केली.

तालिबानकडून सुरू असलेला हिंसाचार आणि मानवाधिकाराचे होणारे हनन रोखण्यासाठी संयुक्त राष्ट्र संघाच्या सुरक्षा परिषदेत (UNSC) तातडीने सत्र बोलावण्यासाठी अफगाणिस्तानने चाचपणी केली असल्याचे म्हटले जाते. अफगाणिस्तानच्या परराष्ट्र मंत्रालयाने दिलेल्या माहितीनुसार, अतमार यांनी तालिबान व परदेशी दहशतवाद्यांकडून सुरू असलेल्या हिंसाचाराबाबत चर्चा केली. भारताने तातडीने UNSC मध्ये चर्चा करण्याची मागणी केली. ऑगस्ट महिन्यात UNSC चे अध्यक्षपद भारताकडे आहे.

काबूल: तालिबानने केली विनोदी अभिनेत्याची हत्या; व्हिडिओ व्हायरल
अफगाणिस्तानचे राष्ट्रपती म्हणतात, तालिबानच्या हिंसाचारासाठी अमेरिका जबाबदार!
अफगाणिस्तानचे परराष्ट्र मंत्री मोहम्मद हनीफ अतमार यांनी म्हटले की, भारताचे परराष्ट्र मंत्री एस. जयशंकर यांच्यासोबत अफगाणिस्तानमधील परिस्थितीबाबत चर्चा केली. UNSC मध्ये अफगाणिस्तानमधील हिंसाचाराबाबत आपात्कालीन सत्र बोलावण्याची मागणी केली. अतमार यांनी म्हटले की, संयुक्त राष्ट्र आणि आंतरराष्ट्रीय समुदायाला तालिबानचा हिंसाचार आणि अत्याचार रोखण्यासाठी प्रयत्न करायला हवेत असेही त्यांनी म्हटले.

खळबळजनक दावा! ‘या’ कारणांमुळे तालिबानकडून भारतीय पत्रकाराची हत्या
अफगाणिस्तान परराष्ट्र खात्याने दिलेल्या माहितीनुसार, अफगाणिस्तानमध्ये वाढत असलेला हिंसाचार आणि मानवाधिकारांचे होणारे उल्लंघन याबाबत भारताने तीव्र चिंता व्यक्त केली.