सुवर्ण पदक जिंकल्यावर सर्वाधिक बक्षीस रक्कम सिंगापूरमध्ये दिली जाते. इथे सुवर्णपदक जिंकल्यावर खेळाडूंना सुमारे 5.50 कोटी रुपये दिले जातात. रौप्यपदक विजेत्याला 2.75 कोटी, तर कांस्यपदक विजेत्याला 1.37 कोटी दिले जातात. यंदाच्या ऑलिम्पिकमध्ये आतापर्यंत सिंगापूरला एकही पदक मिळालेले नाही. पण पुढील आठवड्यात महिलांच्या टेबल टेनिसमध्ये सिंगापूरचे खेळाडू पदके मिळवू शकतात.
तैवान –
सुवर्णपदक जिंकल्यानंतर तैवान खेळाडूंना सुमारे 5.33 कोटी रुपये देते. महिला वेटलिफ्टर कुओ हसिंग चुनने 59 किलो वजनी गटात ऑलिम्पिक विक्रमासह सुवर्णपदक जिंकले. तसेच जे खेळाडू त्यांच्या क्रीडा प्रकारात सातव्या किंवा आठव्या स्थानी राहतात, त्यांनाही सुमारे 24 लाख रुपये दिले जातात. इतकी रक्कम अमेरिका सुवर्ण पदक विजेत्या खेळाडूंना देते.
इंडोनेशिया –
2016च्या रिओ ऑलिम्पिकमध्ये सुवर्ण पदक जिंकल्यावर इंडोनेशियाने खेळाडूंना 2.58 कोटी रुपये दिले होते. टोकियो ऑलिम्पिकमध्ये इंडोनेशियाला आतापर्यंत एक रौप्य आणि दोन कांस्य पदके मिळाली आहेत. एवढंच नाही, तर चॅम्पियन खेळाडूला दरमहा एक लाख रुपये भत्ता दिला जातो. त्या खेळाडूला हा भत्ता आयुष्यभर मिळतो.
बांग्लादेश –
बांग्लादेशला आतापर्यंत ऑलिम्पिकमध्ये एकही सुवर्ण पदक मिळालेले नाही. राष्ट्रीय ऑलिम्पिक समितीनुसार, सुवर्ण पदक विजेत्या खेळाडूला सुमारे 2.23 कोटी रुपये दिले जातील. तसेच रौप्य पदक विजेत्याला 1.10 कोटी आणि कांस्य पदक विजेत्याला 75 लाख रुपये मिळतील.
कझाकिस्तान –
कझाकिस्तानमध्ये सुवर्ण पदक जिंकलेल्या खेळाडूला सुमारे 1.86 कोटी रुपये दिले जातात. रौप्य पदक विजेत्याला 1.10 कोटी आणि कांस्य पदक विजेत्याला 55 लाख दिले जातात. कझाकिस्तानच्या तीन खेळाडूंनी आतापर्यंत कांस्य पदके जिंकली आहेत.
मलेशिया –
मलेशियामध्ये पदक मिळविल्यानंतर खेळाडूंना पुरस्काराऐवजी दरमहा भत्ता दिला जातो. सुवर्णपदक जिंकल्यावर खेळाडूला 1.77 कोटी रुपये मिळतात आणि दरमहा 90 हजार रुपये भत्ता दिला जातो. रौप्य पदक विजेत्याला 53 लाख रुपये आणि 52 हजार रुपये भत्ता, तर कांस्य पदक विजेत्याला 18 लाख रुपये आणि 35 हजार रुपये भत्ता मिळतो.
इटली –
सुवर्णपदक जिंकणाऱ्या खेळाडूंच्या बक्षीस रकमेत इटलीने 20 टक्के वाढ केली आहे. त्यामुळे आता सुवर्ण पदक विजेत्याला 1.60 कोटी रुपये मिळतील. रौप्य पदक विजेत्याला 80 लाख आणि कांस्य पदक विजेत्याला 50 लाख दिले जाणार आहेत. 2016च्या रिओ ऑलिम्पिकमध्ये इटलीने एकूण 28 पदके जिंकली होती आणि 9वे स्थान मिळविले होते. टोकियोमध्ये इटालियन खेळाडूंनी आतापर्यंत 4 सुवर्ण, 8 रौप्य आणि 15 कांस्य पदकांसह एकूण 27 पदके जिंकली आहेत.
फिलिपाईन्स –
फिलिपाईन्सची वेटलिफ्टर हिडिलिन डियाझने टोकियोमध्ये देशाच्या ऑलिम्पिक इतिहासातील पहिले सुवर्णपदक जिंकले. फिलिपाईन्समध्ये सुवर्ण पदक विजेत्या खेळाडूला सुमारे 1.50 कोटी रुपये दिले जातात. तसेच स्थानिक संस्थांकडून खेळाडूला सुमारे 7 कोटी रुपये दिले जातात.
हंगेरी –
हंगेरीमध्ये वैयक्तिक आणि सांघिक या दोन्ही गटातील खेळाडूंना समान रक्कम दिली जाते. हंगेरीत सुवर्ण पदक विजेत्यांना सुमारे 1.25 कोटी रुपये, रौप्य पदक विजेत्यांना 88 लाख आणि कांस्य पदक विजेत्यांना 70 लाख रुपये दिले जातात. हंगेरीच्या खेळाडूंनी आतापर्यंत 2 सुवर्ण, 2 रौप्य आणि 2 कांस्य पदके जिंकली आहेत.
कोसोवो –
कोसोवोमध्ये खेळाडूंसह प्रशिक्षकांनाही पुरस्कार दिला जातो. सुवर्ण पदक विजेत्या खेळाडूला 88 लाख रुपये तर प्रशिक्षकाला 44 लाख रुपये दिले जातात. रौप्य पदक विजेत्या खेळाडूला 52 लाख रुपये आणि प्रशिक्षकाला 26 लाख, तर कांस्य पदक विजेत्या खेळाडूला 36 लाख आणि प्रशिक्षकाला 18 लाख दिले जातात.
फोर्ब्सने दिलेल्या वृत्तानुसार, इस्टोनियामध्ये सुवर्णपदक जिंकणाऱ्या खेळाडूला दरवर्षी सुमारे 4 लाख रुपये मिळतात. तसेच निवृत्तीनंतर अधिक भत्ता मिळतो. जर एखादा खेळाडू 29 वर्षात सुवर्ण पदक जिंकला आणि पुढे 78 वर्षे वयापर्यंत जिवंत राहिला तर त्याला सुमारे 2.25 कोटी रुपये दिले जातात. इंडोनेशिया आणि मलेशियासारख्या देशांमध्येही दरमहा भत्ता दिला जातो. तर ब्रिटन, न्यूझीलंड आणि स्वीडनमध्ये पदक जिंकल्यानंतर कोणत्याही प्रकारची बक्षीस रक्कम दिली जात नाही.
अस्वीकरण: ही कथा किंवा बातमी संगणक प्रोग्रामद्वारे स्वयं-एकत्रित केली जाते आणि आमच्या वेबसाइट/पोर्टलद्वारे तयार किंवा संपादित केलेली नाही. [Source Link.]
#भरत #चनअमरक #नह #तर #ह #छट #दश #दतत #ऑलमपक #पदक #वजतयन #सरवधक #रककम #जणन #घय
