भारतीय नौदल चीनला दाखवणार ताकद; दक्षिण चीन समुद्रात करणार युद्धसराव

बीजिंग/सिंगापूर: लडाख पूर्वमध्ये दादागिरी दाखवणाऱ्या चीनला त्यांच्याच दारात भारतीय नौदल शक्तिप्रदर्शन करणार आहे. भारतीय नौदलाने चार युद्धनौका पाठवण्याचा निर्णय घेतला आहे. भारतीय नौदलाच्या या युद्धनौका दोन महिन्यांपर्यंत दक्षिण चीन समुद्र आणि दक्षिण पूर्व आशियामध्ये असणार आहे. भारतीय युद्धनौका व्हिएतनाम, ऑस्ट्रेलिया, मलेशिया, इंडोनेशिया आणि फिलीपाइन्ससोबत युद्धसराव करणार आहेत. या सगळ्या देशांचा चीनसोबत दक्षिण चीन समुद्रातील हद्दीवरून वाद आहे.

चीनकडून तैवानवर हल्ला करण्याची शक्यता असताना या युद्धनौका दक्षिण चीन समुद्रात दाखल होत आहेत. दक्षिण चीन समुद्रात चीनला वर्चस्व ठेवायचे आहे. त्यातून चीन अधिकाधिक समुद्र हद्दीवर दावा सांगत आला आहे. त्यामुळे इतर देशांसोबत चीनचा वाद सुरू आहे.

चीनने प्रसिद्ध केला गलवान संघर्षाचा व्हिडिओ; भारतीय जवानांनी ‘असा’ केला प्रतिकार!

अमेरिकेने दिले २४ रशियन राजनयिकांना देश सोडण्याचे आदेश
दक्षिण चीन समुद्र सध्या जगातील नौदलाच्या हालचालींचे केंद्र झाले आहे. मागील आठवड्यातच ब्रिटनचे एअरक्राफ्ट कॅरिअर या भागातून गेले होते. इतकंच नाही तर अमेरिकेची महाविनाशक युद्धनौकादेखील या भागातून गेली आहे. त्याशिवाय दक्षिण चीन समुद्रामध्ये चिनी नौदलाकडून युद्धसराव सुरू असतो. त्यामुळे काही वेळेस तणावाची स्थिती निर्माण होते.

चीनला मोठा झटका; फिलीपाइन्स आणि अमेरिकेत झाला ‘हा’ करार!
सिंगापूरमधील तज्ज्ञ कोह यांनी सीएनएनला सांगितले की, दक्षिण चीन समुद्रात भारतीय नौदलाच्या युद्धनौका जरी वादग्रस्त भागापासून १२ नॉटिकल मैल दूर असले तरी चीनला योग्य संदेश देण्यास पुरेशा आहेत. भारतीय नौदलाने घेतलेल्या या निर्णयामुळे चीनचा अधिक संताप होण्याची शक्यताही वर्तवण्यात येत आहे.