1. रविकुमार दहियाच्या वडिलांनाही पैलवान व्हायचे होते, पण आर्थिक अडचणींमुळे ते पुढे जाऊ शकले नाहीत. आता रवीने वडिलांचे स्वप्न पूर्ण करण्याची जबाबदारी आपल्या खांद्यावर घेतली आहे.
2. फ्रीस्टाइल 57 किलो वजनी गटात लढताना 23 वर्षीय रवीने जागतिक अजिंक्यपद कुस्ती स्पर्धा (2019), 23 वर्षांखालील जागतिक अजिंक्यपद स्पर्धा (2018) आणि आशियाई कुस्ती स्पर्धा (2020 आणि 2021)मध्ये पदके जिंकली आहेत.
3. भारताच्या हरियाणा राज्यातील सोनीपत जिल्ह्यातील नहरी गावाचा रवी रहिवासी आहे आणि त्याच गावातील आखाड्यात त्याने कुस्तीचे धडे गिरवण्यास सुरवात केली. या गावातील महावीर सिंग आणि अमित दहिया यांनी भारतासाठी ऑलिम्पिक स्पर्धेत भारताचे प्रतिनिधित्व केले आहे.
4. भारताची राजधानी दिल्ली येथील छत्रसाल कुस्ती स्टेडियम हे रवीचे होम ग्राउंड आहे आणि त्याने तेथे 10-11 वर्षे वयापासून सराव केला आहे. जागतिक पातळीवर खेळणारे अनेक पैलवान या ठिकाणी सराव करतात.
5. रवीला पंकज नावाचा एक छोटा भाऊही आहे आणि त्यालाही पैलवान व्हायचं आहे.
6. जर रवी गुरुवारी (5 ऑगस्ट) होणाऱ्या अंतिम सामन्यात सुवर्ण जिंकला, तर तो वैयक्तिक सुवर्ण जिंकणारा भारताच्या इतिहासातील पहिला कुस्तीपटू आणि एकूण दुसरा खेळाडू असेल. यापूर्वी नेमबाज अभिनव बिंद्राने ऑलिम्पिकमध्ये भारतासाठी एकमेव वैयक्तिक सुवर्ण जिंकले आहे.
7. भारताने आजपर्यंत कुस्तीमध्ये चार ऑलिम्पिक पदके जिंकली आहेत आणि रवीचे पदक हे पाचवे पदक असणार आहे.
8. रवी दहियाला त्याच्या कारकिर्दीच्या सुरुवातीलाच गंभीर दुखापत झाली होती. राष्ट्रीय अजिंक्यपद स्पर्धेच्या उपांत्य फेरीत त्याला ही दुखापत झाली होती.
9. या वर्षी जुलैमध्ये एका मुलाखतीत तो म्हणाला होता की, त्याचे लक्ष्य कांस्य किंवा रौप्य पदक जिंकण्याचं नाही, तर टोकियो ऑलिम्पिकमध्ये सुवर्ण पदक मिळवण्याचं आहे.
10. रवीने यापूर्वीही सामन्यात जोरदार पुनरागमन केले होते. पोलंडमध्ये झालेल्या स्पर्धेत तो 8-0 ने पिछाडीवर होता आणि त्यानं कमबॅक करत त्याच्या प्रतिस्पर्ध्याचा 18-8 ने पराभव केला होता.
अस्वीकरण: ही कथा किंवा बातमी संगणक प्रोग्रामद्वारे स्वयं-एकत्रित केली जाते आणि आमच्या वेबसाइट/पोर्टलद्वारे तयार किंवा संपादित केलेली नाही. [Source Link.]
#भरतच #पदक #नशचत #करणर #कण #आह #रव #दहय #जणन #घय #तयचयवषयचय #१० #रजक #गषट
