काही दिवसांपूर्वी दक्षिण आफ्रिकेचा माजी क्रिकेटपटू हर्षेल गिब्ज हा पाकिस्तानच्या काश्मीर प्रीमिअर लीगमध्ये खेळण्यासाठी उत्सुक होता, त्याची निवडही या लीगमध्ये करण्यात आली होती. पण त्यानंतर बीसीसीआयने आपल्याला भारतात पाय ठेवू देणार नसल्याचे धमी दिली, असे गिब्जने सांगितले होते. त्यानंतर पाकिस्तानच्या क्रिकेटपटूंना मोठा धक्का बसला होता. पण या धमकीचा मोठा परीणाम झाल्याचे पाहायला मिळत आहे. कारण या धमकीनंतर आता इंग्लंडचा माजी क्रिकेटपटू माँटी पनेसारनेही या लीगमधून काढता पाय घेतला आहे. जो खेळाडू या लीगमध्ये खेळेल त्याला क्रिकेटबाबत कोणत्याही कामासाठी भारतामध्ये पाय ठेवायला देणार नाही, असे बीसीसीआयने बजावले आहे. त्यामुळे आता बरेच परदेशी क्रिकेटपटू या लीगमध्ये खेळणार नसल्याचे दिसत आहे.
कारण भारतामध्ये क्रिकेटबाबत बरीचं कामं परदेशी माजी क्रिकेपटूंनी मिळत असतात. त्यामध्ये समालोचन, प्रशिक्षण अशा काही गोष्टींचा समावेश असतो. जर हे खेळाडू पाकिस्तानच्या लीगमध्ये खेळले तर त्यांना भारतामध्ये येता येणार नाही. त्यामुळेच त्यांना पाकिस्तानच्या या लीगमध्ये खेळणे परवडणारे नाही. त्यामुळे आता गिब्जनंतर पनेसारनेही या लीगमध्ये न खेळण्याचा निर्णय घेतला आहे. भारत आणि पाकिस्तान यांच्यामध्ये तणावाचे वातावरण दिसत आहे आणि त्यामुळेच मी काश्मीर प्रीमिअर लीगमध्ये न खेळण्याचा निर्णय घेतला आहे, असे पनेसारने सांगितले आहे. त्यामुळे आता पनेसार पाकिस्तानच्या या लीगमध्ये खेळणार नसल्याचे स्पष्ट झाले आहे.
अस्वीकरण: ही कथा किंवा बातमी संगणक प्रोग्रामद्वारे स्वयं-एकत्रित केली जाते आणि आमच्या वेबसाइट/पोर्टलद्वारे तयार किंवा संपादित केलेली नाही. [Source Link.]
#बससआयचय #धमकल #घबरन #अजन #एक #खळडन #पकसतनच #कशमर #लग #सडल #पह #कय #घडल
