“पतीच्या विवाहबाह्य संबंधांमुळे मी एकटी पडले होते अन्…” मुमताज यांचा धक्कादायक खुलासा | actress mumtaz shocking reveale that after marriage she had an extra marital affair

मुमताज पुढे म्हणाल्या, “हे सर्व आता आमच्या दोघांसाठी भूतकाळातील कहाणी आहे. आयुष्यात एकदा तर देवही माफ करतो. मी एखाद्या राणीसारखी राहिले. माझ्या पतीने मला कशाचीही उणीव भासू दिली नाही. पण माझ्या पतीच्या अफेअरनंतर मी एकटी पडले होते. मला खूप वाईट वाटायचं म्हणून मी भारतात परतले आणि इथे माझं एका व्यक्तीसोबत अफेअर झालं होतं. अर्थात ते फार गंभीर नव्हतं. फक्त काही काळासाठी आम्ही एकत्र होतो आणि लवकरच वेगळे झालो.”

आणखी वाचा- Video: सुहाना खानच्या डेब्यू चित्रपटाचा टीझर प्रदर्शित, अमिताभ बच्चन यांनी शेअर केली खास पोस्ट

अर्थात ही पहिलीच वेळ नाही की, मुमताज यांनी स्वतःच्या खासगी आयुष्याबद्दल अशाप्रकारचा खुलासा केला आहे. याआधीही त्यांनी एका मुलाखतीत, लग्नानंतर त्यांच्या पतीचे विवाहबाह्य संबंध असल्याचं मान्य केलं होतं. एवढंच नाही तर पतीच्या अफेअरनंतर स्वतःचेही विवाहबाह्य संबंध होते असंही सांगितलं होतं. दरम्यान काही दिवसांपूर्वी अचानक तब्येत बिघडल्यानं मुमताज यांना रुग्णालयात दाखल करण्यात आलं होतं. आठवड्याभरानंतर आता त्या घरी परतल्या आहेत.