नर्सचा हलगर्जीपणा?; तब्बल आठ हजार जणांना लशीऐवजी दिले मिठाचं पाणी

बर्लिन: करोना महासाथीचा आजार पुन्हा एकदा जोर धरत आहे. जगातील अनेक देशांमध्ये करोनाच्या संसर्गाला अटकाव करण्यासाठी लसीकरण वेगाने केले जात आहे. जर्मनीतही करोनाबाधितांची संख्या वाढू लागली आहे. त्यामुळे लसीकरण वेगाने सुरू आहे. मात्र, एक धककादायक प्रकार समोर आला आहे. लसीकरणादरम्यान एका नर्सने तब्बल ८६०० जणांना लशीऐवजी मिठाचं पाणी दिल्याचे समोर आले आहे.

उत्तर जर्मनीत हा प्रकार घडल्याची माहिती आहे. मार्च-एप्रिल महिन्यात देण्यात आलेल्या लसीकरणा दरम्यान हा गोंधळ झाल्याचा दावा करण्यात येत आहे. या दरम्यान लसीकरण झालेल्यांना करोनाची बाधा होण्याचा अधिक धोका असल्याचे प्रशासनाने म्हटले आहे. या नागरिकांनी पुन्हा एकदा लशीचा डोस घेण्याचे आवाहन करण्यात आले आहे.

करोना, इबोलासारखा आणखी एक घातक विषाणू; WHO ने दिली माहिती
नर्सने ८६०० जणांना लशीऐवजी मिठाचं पाणी (स्लाइनमध्ये असलेले औषध) दिले. त्यामुळे फसवणूक झालेल्या नागरिकांना इतर धोका नसल्याचेही अधिकाऱ्यांनी म्हटले. मात्र, करोना संसर्गापासून वाचण्यासाठी तातडीने लस घेण्याचे आवाहन करण्यात आले आहे.

‘या’ देशात करोनाचा हाहाकार; दर दोन मिनिटाला एकाचा मृत्यू
पोलीस तपासात याचा खुलासा झाला आहे. या नर्सचे नाव उघड करण्यात आले नाही. पोलिसांकडून सध्या तिची चौकशी सुरू असल्याचे तपास अधिकारी पीटर बीअर यांनी म्हटले. या नर्सचे लशीबाबत फारसं अनुकूल मत नव्हते असेही तिच्या सोशल मीडियावरील पोस्टमध्ये आढळले असल्याचे त्यांनी म्हटले.