देशातील 82% स्त्रिया नवऱ्याला सेक्ससाठी ‘नाही’ म्हणू शकतात, NHFS अहवाल

नवी दिल्ली, 13 मे : गेल्या आठवड्यात आलेल्या नॅशनल फॅमिली हेल्थ सर्व्हे (NHFS) मध्ये भारतीय जोडप्यांच्या लैंगिक संबंधांबाबत अनेक खुलासे करण्यात आले आहेत. या सर्वेक्षणात असे म्हटले आहे की 82% भारतीय स्त्रिया त्यांच्या पतींना सेक्सबद्दल नाही म्हणू शकतात. मात्र, ही आकडेवाडी राज्यानुसार वेगवेगळी आहे. या सर्वेक्षणानुसार लक्षद्वीपमधील बहुतांश महिला त्यांच्या निवडीबाबत आवाज उठवत आहेत. त्याच वेळी, लडाख आणि जम्मू-काश्मीरमधील (Jammu & Kashmir) महिला या बाबतीत सर्वात जास्त संकोच करतात. तेथे केवळ 60% आणि 65% महिला थकलेल्या असल्या किंवा मन नसेल तरच सेक्स करण्यास नकार देण्याविषयी बोलल्या. महाराष्ट्रात (Maharashtra) काय स्थिती आहे? चला जाणून घेऊ.

बिहार आणि उत्तर प्रदेशातील महिलाही उघडपणे नकार देण्याच्या बाजूने
देशात तुलनेने मागास समजल्या जाणाऱ्या बिहार आणि उत्तर प्रदेशातील महिलांनीही शारीरिक संबंधांच्या बाबतीत इच्छा नसल्यास ‘नवऱ्याला नकार द्यावा’ अशी भूमिका स्पष्टपणे मांडली. बिहारमधील 81% पेक्षा जास्त महिलांनी या विषयावर उघडपणे आपली नाराजी व्यक्त करण्याबद्दल बोलले, तर उत्तर प्रदेशातील 83% महिला नकार देण्याबद्दल बोलल्या आहेत.

82% of women in India can say no to their husband if they do not want to have sexual intercourse.
Source: NFHS-5 2019-21 pic.twitter.com/DKvtSEFrqs

— Stats of India (@Stats_of_India) May 12, 2022

ईशान्य भारतातील महिला त्यांच्या विरोधाबाबत स्पष्ट
भारतातील ईशान्येकडील राज्यांचा (North Eastern States) अहवाल पाहिला तर हे सर्वेक्षण थेट सांगते की या राज्यांतील महिला त्यांच्या संमती आणि असहमतीबाबत अगदी स्पष्ट आहेत. मेघालय (सुमारे 74%) आणि सिक्कीम (सुमारे 78%) वगळता बहुतेक राज्यांमधील 80% पेक्षा जास्त महिलांनी उघडपणे त्यांचा ‘नकार’ नोंदवला आहे. या प्रकरणात मिझोराम अव्वल आहे जिथे 93% महिलांनी निर्णय आपल्या हातात ठेवला आहे.

डोळ्याखाली डार्क सर्कल आहेत? असू शकतं या गंभीर आजाराचं लक्षण, करू नका दुर्लक्ष
दिल्ली, पंजाब आणि हरियाणाची स्थिती काय आहे?
देशाची राजधानी दिल्ली, जी महिलांच्या हक्कांच्या अनेक बाबींचे केंद्रबिंदू आहे, या पैलूंवर त्यांचे बहुमत आहे. दिल्लीतील 88 टक्के महिलांना त्यांच्या विरोधाची जाणीव आहे, तर पंजाबमध्ये केवळ 73 टक्के महिला आणि हरियाणातील 84 टक्के महिला उघडपणे बोलू शकतात. पंजाबमधील पुरुषांबाबतही एक चिंताजनक माहिती समोर आली आहे, ज्यामध्ये दर दहापैकी सहा पुरुष मतभेदानंतरही आपल्या पत्नीशी शारीरिक संबंध ठेवण्यावर विश्वास ठेवतात.

महाराष्ट्रात महिलांची परिस्थिती कशी?
महाराष्ट्राला पुरोगामी राज्य म्हटले जाते. परिणामी येथील महिलांमध्ये आपले हक्क आणि अधिकांची जाणीव दिसून येते. राज्यातील 87 टक्के महिला इच्छा नसल्यास नवऱ्याला नकार देऊ शकतात. हे प्रमाण शेजारील गुजरात, मध्य प्रदेश, उत्तर प्रदेश, कर्नाटक, तेलंगाणा या राज्यांपेक्षा जास्त आहे. मात्र, सर्वात छोटे राज्य गोव्यातील महिला मात्र यात सर्वात पुढे आहेत. गोव्यातील 91.9 टक्के महिला मनाची तयारी नसल्यास सेक्ससाठी नकार देतात.