दिल्ली बलात्कार आणि हत्या : राहुल गांधी पीडित कुटुंबाच्या भेटीला

नवी दिल्ली : काँग्रेसचे माजी अध्यक्ष आणि खासदार राहुल गांधी यांनी बुधवारी दिल्ली कँटमधल्या कथित बलात्कार आणि हत्या प्रकरणातील पीडित कुटुंबाची भेट घेतलीय. एका अवघ्या नऊ वर्षांच्या अनुसूचित जातीतील मुलीवर बलात्कार करून तिची हत्या करण्यात आल्याचं समोर आल्यानंतर राजधानी दिल्लीतलं वातावरण पुन्हा एकदा ढवळून निघालंय.

या प्रकरणात आतापर्यंत चार आरोपींना अटक करण्यात आलीय. दिल्ली पोलिसांनी एका पुजाऱ्यासह चौघांना ताब्यात घेतलंय. या नराधमांकडून पीडित मुलीचा मृतदेह जाळण्याचाही प्रयत्न करण्यात आल्याचं समोर आलंय.

राहुल गांधी यांनी आज सकाळीच पीडित कुटुंबाची भेट घेण्यासाठी दिल्ली कॅन्ट परिसर गाठला. या भेटीनंतर वृत्तसंस्था एएनआयशी बोलताना राहुल गांधी यांनी आपण पीडित कुटुंबासोबत असल्याचं म्हटलंय.

delhi rape : धक्कादायक! दिल्लीत ९ वर्षांच्या मुलीवर बलात्कार करून हत्या, मृतदेह जाळण्याचाही प्रयत्न
dalit minor rape : दिल्लीत मुलीवर बलात्कार आणि हत्या; विरोधकांनी अमित शहांना केले लक्ष्य

मी पीडित कुटुंबाशी संवाद साधला. त्यांना केवळ न्याय हवाय, आणखी काहीही नाही. अन्याय झाल्याची भावना असलेल्या या कुटुंबाला मदत मिळायला हवी आणि आम्ही ती देणार. आम्ही त्यांच्यासोबत उभे आहोत, याचं आश्वासन मी त्यांना दिलंय. जेव्हापर्यंत त्यांना न्याय मिळत नाही राहुल गांधी त्यांच्यासोबत उभा आहे, असं त्यांनी मीडियासमोर म्हटलंय.

दिल्लीतल्या या घटनेनं राजधानीलाच नाही तर अवघ्या देशाला हादरवून टाकलंय. दिल्लीत सध्या संसदेचं पावसाळी अधिवेशन सुरू असताना ही घटना घडलीय. या प्रकरणात विरोधकांकडून सरकारवर प्रश्नचिन्ह उपस्थित केलं जातंय. लवकरच मुख्यमंत्री अरविंद केजरीवाल हेदेखील पीडित कुटुंबीयांची भेट घेणार आहेत.

राहुल गांधी यांच्याशिवाय अनेक नेत्यांनी या घटनेची निंदा केली आहे. हे प्रकरण दिल्ली पोलिसांनी ज्या पद्धतीनं हाताळलं त्यावर स्थानिकांकडून नाराजी व्यक्त केली जातेय.

Rape Case: फक्त नावावरून पोलिसांनी बलात्काराच्या आरोपीला ‘फेसबुक’वरून धुंडाळून काढलं
मध्य प्रदेशात पुराचा कहर; NDRF, SDRF सहीत लष्कराला पाचारण