जम्मू-काश्मीर: कठुआमध्ये लष्कराच्या हेलिकॉप्टरला अपघात, धरणात कोसळलं

भारतीय लष्कराचं हे हेलिकॉप्टर असल्याचं समजतंय. यामध्ये किती जण प्रवास करत होते, कुठे जात होते? याबद्दल माहिती मिळवण्याचं काम सुरू आहे. या घटनेची माहिती समजताच स्थानिक अधिकारी घटनास्थळी रवाना झाले आहेत.

घटनेनंतर तत्काळा बचावकार्याला सुरूवात करण्यात आलीय. एनडीआरएफची बचाव टीम धरणाजवळ पोहचल्या आहेत.

मिळालेल्या प्राथमिक माहितीनुसार, ३ ऑगस्ट रोजी सकाळी जवळपास १०.२० वाजता भारतीय सेनेचं हेलिकॉप्टर २५४ आर्मी AVN स्क्वॉड्रननं मामून कँटमधून उड्डाण घेतलं होतं. धरणाजवळच्या भागात हे हेलिकॉप्टर अगदी थोड्या उंचीवर पाहणी करत होतं. मात्र, अचानक हेलिकॉप्टर धरणात कोसळलं. हा अपघात नेमका कसा घडला, हे चौकशीनंतर स्पष्ट होऊ शकेल. कठुआ जिल्ह्याच्या पोलिसांनी दिलेल्या माहितीनुसार, डायव्हर्सद्वारे सरोवरात सर्च ऑपरेशन राबवण्यात येतंय.

यंदाच्या वर्षातला दुसरा लष्करी हेलिकॉप्टर अपघात

उल्लेखनीय म्हणजे, याच वर्षाच्या सुरवातीलाच जम्मूमध्ये भारतीय सेनेच्या एका हेलिकॉप्टरला अपघात झाला होता. या हेलिकॉप्टरमध्ये दोन पायलट उपस्थित होते. यातील एकाचा मृत्यू झाला होता.

Coronavirus: २४ तासांत ३० हजार रुग्ण दाखल, ४२२ मृत्यूंची नोंद
Covid19: उत्तराखंडात शाळा उघडल्या, निर्णयाविरोधात कोर्टात याचिका दाखल
Olympics 2021: भारत – बेल्जियमची हॉकी मॅच पाहतोय, पंतप्रधान मोदींकडून शुभेच्छा