Saturday, November 27, 2021
Home टेक-गॅजेट जगातील सर्वात मोठ्या टेक कंपन्यांचे नेतृत्व ‘या’ १६ भारतीयांच्या हाती, पाहा लिस्ट

जगातील सर्वात मोठ्या टेक कंपन्यांचे नेतृत्व ‘या’ १६ भारतीयांच्या हाती, पाहा लिस्ट


जगभरात इंटरनेट, स्मार्टफोन्स वापरणाऱ्यांची संख्या वाढली आहे. यासोबतच, जगात टेक्नोलॉजी कंपन्यांचा देखील दबदबा वाढत चालला आहे. आज जगभरातील टॉप कंपन्यांमध्ये प्रामुख्याने टेक कंपन्याच आहे. यातही विशेष म्हणजे या टॉप कंपनीच्या प्रमुखपदी भारतीय व्यक्ती आहेत. जगातील प्रमुख टेक कंपन्या असलेल्या Microsoft, IBM, Adobe आणि Google चे प्रमुख अधिकारी हे भारतीय वंशाचे आहे. एवढेच नाही तर अन्य टेक कंपन्याचे एक्झिक्यूटिव्ह देखील भारतीय वंशाचे आहेत. सुंदर पिचाई, सत्या नडेला, शंतनु नारायण, अरविंद कृष्णा, निकेश अरोरा, जयश्री उल्लाल, पराग अग्रवाल यासह अनेक नावे तुम्हाला जगातील सर्वात मोठ्या टेक कंपन्या चालवताना दिसतील. आज जगात टेक्नोलॉजी क्षेत्र झपाट्याने वाढताना दिसत आहे. केवळ इंटरनेट, स्मार्टफोन्सपुरतेच हे क्षेत्र मर्यादित राहिलेले नाही. अशात या प्रमुख टेक कंपन्यांची जबाबदारी भारतीय वंशाच्या व्यक्तींकडे आहे. अशाच १६ भारतीय वंशाच्या व्यक्तींविषयी जाणून घेऊया, जे जगातील प्रमुख कंपन्या सांभाळत आहेत.

​सुंदर पिचाई

भारतीय वंशाचे सुंदर पिचाई यांची २०१९ मध्ये गुगलची पॅरेंट कंपनी अल्फाबेटच्या सीईओपदी नियुक्ती झाली होती. ते २०१४ साली गुगलचे प्रमुख झाले होते. कंपनीतील १५ वर्षांपेक्षा अधिकच्या काळात त्यांनी अनेक मोठ्या जबाबदाऱ्या सांभाळल्या आहेत. त्यांनी आयआयटी खडगपूरमध्ये बीटेक, स्टँडफोर्डमधून एमएस आणि Wharton मधून एमबीए केले आहे.

सत्या नडेला

हैद्राबाद येथे जन्म झालेल्या सत्या नडेला यांची २०१४ साली मायक्रोसॉफ्टच्या सीईओपदी नियुक्ती झाली होती. त्यांनी मनिपाल इंस्टिट्यूट ऑफ टेक्नोलॉजीमधून इंजिनिअरिंग, University of Wisconsin–Milwaukee मधून एमएस आणि University of Chicago Booth School of Business मधून एमबीए केले आहे. ते १९९२ मध्ये मायक्रोसॉफ्टमध्ये ज्वाइन झाले होते.

शंतनू नारायण

हैद्राबाद येथे जन्मलेले नारायण हे १९९८ साली Adobe मध्ये ज्वाइन झाले होते. त्यानंतर २००५ साली सीओओ आणि २००७ साली सीईओ झाले. एडॉबीच्या आधी त्यांनी Apple आणि Silicon Graphics येथे देखील काम केले आहे.

Arvind Krishna

आयआटी कानपूरमधून इलेक्ट्रिकल इंजिनिअरिंग केलेले अरविंद कृष्णा हे एप्रिल २०२० मध्ये आयबीएमचे सीईओ झाले. ते गेल्या ३० वर्षांपासून आयबीएमसोबत आहेत. त्यांनी University of Illinois मधून पीएचडी देखील केली आहे.

रेवथी अद्वैथी

रेवथी अद्वैथी या फ्लेक्स लिमिटेडच्या सीईओ आहेत. त्यांची २०१९ साली या पदी नियुक्ती करण्यात आली होती. त्यांनी बिर्ला इंस्टिट्यूट ऑफ टेक्नोलॉजी अँड सायन्स येथून पदवी घेतली आहे. तर Thunderbird School of Global Management येथून एमबीए केले आहे.

निकेश अरोरा

निकेश अरोरा हे २०१८ साली Palo Alto Networks मध्ये सीईओ म्हणून ज्वाइन झाले होते. याआधी त्यांनी गुगल आणि सॉफ्टबँकमध्ये देखील काम केले आहे. त्यांनी बनारस हिंद इंस्टिट्यूटमधून पदवी घेतली आहे. तर Northeastern University मधून एमबीएआणि Boston College मधून सायन्समध्ये पदव्युत्तर शिक्षण घेतले आहे.

जयश्री उल्लाल

जयश्री उल्लाल यांची २०१८ साली Arista Networks च्या अध्यक्ष आणि सीईओपदी नियुक्ती झाली. त्यांनी याआधी Cisco आणि AMD मध्ये देखील काम केले आहे. त्यांनी इलेक्ट्रिकल इंजिनिअरमध्ये शिक्षण घेतले आहे.

​Parag Agrawal

parag-agrawal

पराग अग्रवाल हे २०११ पासून ट्विटरचे चीफ टेक्नोलॉजी ऑफिसर आहेत. याआधी त्यांनी मायक्रोसॉफ्ट, AT&T आणि याहूमध्ये काम केले आहे. त्यांनी आयआयआटी बॉम्बेमधून इंजिनिअरिंग केले आहे.

अंजली सूद

अंजली सूद या २०१७ पासून Vimeo च्या सीईओ आहेत. याआधी त्यांनी Amazon आणि Time Warner मध्ये काम केले आहे. Harvard Business School मधून त्यांनी एमबीए केले आहे.

संजय मेहरोत्रा

संजय मेहरोत्रा हे सेमिकंडक्टर सॉल्यूशन्स कंपनी मायक्रॉन टेक्नोलॉजीचे सीईओ आहेत. याआधी त्यांनी Sandisk आणि इंटेल मध्ये देखील काम केले आहे.

​जॉर्ज कुरिअन

जॉर्ज कुरिअन हे २०१५ साली स्टोरेज आणि डेटा मॅनेजमेंट कंपनी NetApp चे सीईओ आणि अध्यक्ष झाले. याआधी त्यांनी Cisco Systems, Akamai Technologies आणि McKinsey & Company मध्ये काम केले आहे. त्यांचा जन्म केरळमध्ये झाला असून, आयआयटी मद्रासमधून इंजिनिअरिंग केले आहे.

अनिल भुसरी

Aneel Bhusri यांनी २००५ मध्ये डेव्ह डफिल्डसोबत मिळून वर्कडे या कंपनीची स्थापना केली होती. याआधी त्यांनी PeopleSoft मध्ये काम केले आहे. त्यांनी ब्राउन यूनिव्हर्सिटीमधून पदवी आणि स्टँडफोर्ड यूनिव्हर्सिटीमधून एमबीए केले आहे.

अमन भुटानी

अमन भुटानी यांची २०१९ साली GoDaddy च्या सीईओपदी नियुक्ती करण्यात आली होती. याआधी त्यांनी Expedia मध्ये देखील काम केले आहे. त्यांनी दिल्ली विद्यापीठातून पदवी आणि Lancaster University मधून एमबीए केले आहे.

स्टिव्ह संघी

स्टिव्ह यांनी १९८९ मध्ये मायक्रोचिप टेक्नोलॉजीची स्थापना केली होती. १९९१ पासून ते सीईओ आणि आता प्रमुख आहेत. त्यांनी इंटेलमध्ये देखील काम केले आहे. त्यांनी पंजाब यूनिव्हर्सिटीमधून पदवी आणि University of Massachusetts मधून पदव्युत्तर शिक्षण घेतले आहे.

​अनिरुद्ध देवगन

अनिरुद्ध यांची २०१८ साली Cadence Design च्या सीईओपदी नियुक्ती झाली होती. त्यांनी याआधी Magma Design Automation आणि IBM मध्ये देखील काम केले आहे. देवगन यांनी आयआयटी दिल्लीमधून पदवी घेतली आहे. तर मास्टर आणि पीएचडी Carnegie Mellon University मधून केले आहे.

शिव शिवाराम

Siva Sivaram हे Western Digital चे अध्यक्ष आहेत. याआधी त्यांनी Intel, Matrix Semiconductors आणि Sandisk मध्ये महत्त्वाच्या पदी काम केले आहे. नॅशनल इंस्टिट्यूट ऑफ टेक्नोलॉजी, तिरुचिरापल्ली येथून पदवी घेतली आहे. तर Rensselaer Polytechnic Institute मधून मास्टर आणि पीएचडी केली आहे.



अस्वीकरण: ही कथा किंवा बातमी संगणक प्रोग्रामद्वारे स्वयं-एकत्रित केली जाते आणि आमच्या वेबसाइट/पोर्टलद्वारे तयार किंवा संपादित केलेली नाही. [Original Source Link.]

#जगतल #सरवत #मठय #टक #कपनयच #नततव #य #१६ #भरतयचय #हत #पह #लसट

RELATED ARTICLES

दिंडीत पिकअप घुसला, 15 ते 20 वारकरी जखमी, पुण्यातील वडगाव मावळनजीकची घटना

Pune Accident News Update : कार्तिकी एकादशीसाठी येणाऱ्या दिंडीतील वारकऱ्यांचा अपघात झाला आहे. मावळ तालुक्यात हा अपघात आज...

भारत विरूद्ध दक्षिण आफ्रिकेची सिरीज होणार की नाही; BCCIने दिली मोठी अपडेट

मुंबई : भारत पुढील महिन्यात दक्षिण आफ्रिकेच्या दौऱ्यावर जाणार आहे. या दौऱ्यात संघाला तीन सामन्यांची कसोटी, एकदिवसीय आंतरराष्ट्रीय आणि टी-20 आंतरराष्ट्रीय मालिका खेळायची...

Vodafone Idea: Vi ने पुण्यात केले ५जी ट्रायल, मिळाला भन्नाट स्पीड; पाहा डिटेल्स

हायलाइट्स:वीआयने केले ५जी ट्रायल.पुणे आणि गांधीनगरमध्ये पार पडले ट्रायल.ट्रायलसाठी Ericsson, Nokia सारख्या कंपन्यांशी भागीदारी.नवी दिल्ली : टेलिकॉम कंपनी Vi (Vodafone Idea) ने ५जी...

Most Popular

सिंधू उपांत्य फेरीत; सात्त्विक-चिराग यांचीही विजयी घोडदौड

साईप्रणीत पराभूत इंडोनेशिया खुली बॅडमिंटन स्पर्धा दोन ऑलिम्पिक पदकविजेती पी. व्ही. सिंधू तसेच सात्त्विकसाइराज रंकीरेड्डी आणि चिराग शेट्टी या भारतीय बॅर्डंमटनपटूंनी शुक्रवारी इंडोनेशिया खुल्या बॅर्डंमटन...

गंभीर आजाराशी झुंजतायत अनिल कपूर? जर्मनीतून व्हिडीओ शेअर

अनिल कपूर यांच्या चाहत्यांना मोठा धक्का  अस्वीकरण: ही कथा किंवा बातमी संगणक प्रोग्रामद्वारे स्वयं-एकत्रित केली जाते आणि आमच्या वेबसाइट/पोर्टलद्वारे तयार किंवा संपादित केलेली नाही....

devendra fadnavis meets amit shah : दिल्लीत अमित शहांना भेटले फडणवीस; सत्ता बदलाच्या राजकीय चर्चांवर म्हणाले…

नवी दिल्लीः महाराष्ट्र भाजपमधील अनेक बडे नेते दिल्लीत ( devendra fadnavis meets amit shah ) आहेत. महाराष्ट्र भाजपचे प्रदेशाध्यक्ष चंद्रकांत पाटील यांनी केंद्रीय...

Good Health Care Tips: जास्त पाणी प्यायल्याने होऊ शकतात ‘हे’ आजार

Health Care Tips: निरोगी राहण्यासाठी शरीराला हायड्रेट ठेवणे गरजेचे असते. पाणी कमी प्यायल्याने अनेक आजार होऊ शकतात. आपल्या...

कान स्वच्छ करण्यासाठी चुकूनही वापरू नका बड्स; त्याऐवजी या सोप्या ट्रिक्स वापरा

नवी दिल्ली, 26 नोव्हेंबर : अनेकदा लोक कान स्वच्छ करण्यासाठी बड्सचा वापर करतात. परंतु, कानांविषयीच्या तज्ज्ञांच्या मते, असं करणं कानासाठी धोकादायक ठरू शकतं....

WHOने कोरोनाच्या नव्या व्हेरिएंटला दिलं नावं!

कोरोनाच्या नव्या व्हेरिएंटला 'वेरिएंट ऑफ कंसर्न' म्हणून घोषित केलं आहे.  अस्वीकरण: ही कथा किंवा बातमी संगणक प्रोग्रामद्वारे स्वयं-एकत्रित केली जाते आणि आमच्या वेबसाइट/पोर्टलद्वारे तयार...