क्रिकेट बोर्डाशी नाराज झालेल्या खेळाडूचा आत्महत्येचा प्रयत्न; प्रकृती गंभीर

नवी दिल्ली: भारतासह आशिया खंडातील अनेक देशात क्रिकेट हा फक्त एक खेळ नाही तर धर्म मानला जातो. यामुळेच या देशातील खेळाडू आणि चाहत्यांमध्ये क्रिकेटबद्दल कमालीचे प्रेम दिसून येते. राष्ट्रीय संघात निवड होण्यासाठी खेळाडूंमध्ये प्रचंड मोठी स्पर्धा असते. मात्र सर्वांना संधी मिळेल असे नाही आणि निराश होणाऱ्यांची संख्या जास्त असते.

भारताचा शेजारी असलेल्या पाकिस्तानमध्ये अशीच एक घटना समोर आली आहे ज्यात क्रिकेटपटूने संघात निवड झाली नाही म्हणून आत्महत्येचा प्रयत्न केला.

वाचा- भारतीय संघाच्या विजयासाठी ज्योतिषाची नियुक्ती; दिले इतके लाख रुपये

सिंध प्रांतातील हैदराबाद येथील कासिमाबाद येथे राहणारा शोएब हा जलद गोलंदाज आहे. पाकिस्तान क्रिकेट बोर्डाकडून निवडण्यात आलेल्या इंटरसिटी चॅम्पियनशिपसाठीच्या संघात शोएबला संधी मिळाली नाही. यातून आलेल्या नैराश्यातून शोएबने आत्महत्येचा प्रयत्न केला. शोएबला तातडीने रुग्णालयात दाखल करण्यात आले असून त्याची प्रकृती गंभीर असल्याची मानली जाते.

वाचा- क्रिकेट न्यूजअसे काय झाले की, टीम इंडियाचे ४ जण भारताविरुद्ध खेळणार; जाणून घ्या

स्थानिक क्रिकेटमध्ये संधी न मिळालेल्या शोएब निराश झाला होती. संघ निवडीसाठी जेव्हा ट्रायल झाली तेव्हा शोएबचे कोच देखील उपस्थित होते. संघ निवडीत स्वत:चे नाव न दिसल्यावर त्याने २१ जून मंगळवारी हाताची नस कापून घेतली आणि आत्महत्येचा प्रयत्न केला.

वाचा- लाज वाटणारी गोष्ट; जगातील श्रीमंत बोर्डाकडे डीआरएससाठी पैसे नाही