आता आणखी वाट नाही पाहू शकत.. अर्जुन कपूरनं शेअर केला मलायकाचा खास व्हिडीओ

मुंबई: बॉलिवूड अभिनेत्री मलायका अरोरा आणि अर्जुन कपूर यांचं नातं आता कोणापासून लपून राहिलेलं नाही. दोघंही अनेकदा सोशल मीडियावर एकमेकांसोबतचे फोटो आणि एकमेकांच्या फोटोवर कमेंट करताना दिसतात. पण सध्या अर्जुन कपूर मलायकासाठी एका चिअरलीडरच्या भूमिकेत दिसत आहे. त्यानं मलायकासाठी सोशल मीडियावर एक पोस्ट शेअर केली आहे. ज्याची चर्चा सध्या सगळीकडे होताना दिसत आहे.

अर्जुन कपूरनं त्याच्या इन्स्टाग्राम स्टोरीवर असं काही लिहिलं आहे की सर्वांचं लक्ष या कॅप्शननं वेधून घेतलं आहे. काही दिवसांपूर्वीच मलायका अरोरानं तिच्या इन्स्टाग्राम एक व्हिडीओ शेअर केला होता. ज्यात तिनं सांगितलं होतं की, लवकरच फूड बिझनेसशी संबंधीत NUDE (N = Nutritious U = Undisguised D = Delicious E= Eats )मील्स लॉन्च करणार आहे. मलायकाचा हा नवा प्रोजेक्ट ११ ऑगस्टला लॉन्च होणार आहे.

आता अर्जुननं मलायकाचा हा व्हिडीओ शेअर करताना त्याच्या कॅप्शनमध्ये लिहिलं, ‘मी आता आणखी वाट पाहू शकत नाही.’

मलायका आणि अर्जुन यांची बॉन्डिंग तर सार्वजनिक ठिकाणी आणि सोशल मीडियावरही दिसते. वाढदिवस असो किंवा कोणतंही खास फंक्शन दोघंही प्रत्येकवेळी एकमेकांवरील प्रेम व्यक्त करताना दिसतात. अशात आता अर्जुन कपूरची इन्स्टग्राम स्टोरीनं सर्वांचं लक्ष वेधून घेत आहे. ज्यात त्यानं काही फोटो शेअर केले आहेत. यामध्ये मलायका डायनिंग टेबलजवळ पोज देताना दिसत आहे. या फोटोच्या कॅप्शनमध्ये अर्जुनन लिहिलं, ‘पास्ता आणि पास्ता बनवणारी.’